OYARBIDE EHORZTETXEAREN hasiera 1.944an izan zen. Urte horretan MATEO OYARBIDEK Beasainen Santa Maria kaleko 13 zenbakian bere zurgintza tailerra zuen eta bertan hilkutxak egin eta egokitzen zituen. Ondoren, bere seme Ignaciok, lanbidearekin jarraituz 1962.urtean Dodge markako 1. hileta-autoa eskuratu zuen. Eskualdean hori aldaketa handia , ordura arte “anda” ibilgailuak erabiltzen baitziren hilkutxak eramateko. 1.968.urtean eskuratutako 2.ibilgailua “Seat 1500” bat izan zen. Eta horrela jarraian autoak aldatzen joan ziren.

Azken urte hauetan lanbide honek aldaketa handiak izan ditu ohiturei eta lan egiteko erari dagokienean, izan ere, zerbitzua profesionalizatu egin da eta jendearen eskura mota guztietako erosotasunak eta instalakuntzak jarri dira. 
Gaur egungo beharretara egokituz, OYARBIDE EHORZTETXEAK 2002.urtean GOIERRI BEILATOKIA ireki zuen Beasaingo Senpere kaleko 7. Zenbakian. Bertan instalakuntza berrienak jarri ziren eta herritarrei gertuko zerbitzua eta pertsonala eskaini zitzaien.